Sabiq icra başçısından Mədət Quliyevlə bağlı xəbərə REAKSİYA

"Belə bir məsəl var: Desəm öldürərlər, deməsəm ölləm! Ümumiyyətlə, mən sosial şəbəkələrdə fəalam, eyni zamandadada mətbuatı, saytları və internet televiziyalarını mütəmadi izləyirəm!".

Publika.az xəbər verir ki, bunu sabiq YAP-çı deputat, Naftalan Şəhər İcra Hakimiyyətinin sabiq başçısı Musa Musayev sosial şəbəkə hesabında paylaşıb.

"Nəyi xoşlamıram: digər insanların, kimliyindən asılı olmayaraq şəxsi həyatlarının müzakirələrini gündəmə gətirməyi! Məsələn: Mədət Quliyev boşandı, kimsə kiminləsə evləndi və sairə! Adama deyərlər : sənə nə dəxli var? Ayıb deyilmi, guya bunu yazanların özlərinin problemi yoxdur?

Gündəmi bu mənasəz mövzularla doldurmayın, hörmətli jurnalistlər! Yazmağa mövzu tapmırsınızsa mənə müraciət edin, mən də sizə kömək edim! Bəzən cəlbedici başlıqlar qoyursunuz, baxanda görürsən ki başlığın mövzuya aidiyyatı yoxdur! Təəssüflər olsun ki, Milli Məclis Mətbuat haqqında bu günə qədər normal bir qanun qəbul etməyib. Bundan da süni istifadə olunur və kim nə istəyirsə onu da yazır və paylaşır. Bu bizim mətbuatın faciəsidir! Gələcək nəsillər bunu bizə bağışlamayacaqlar! Senzura olmalıdır, ruslar demişkən: "bezpridelə" son qoyulmalıdır" - Musa Musayev əlavə edib.(Yenisabah.az)