Gənc tələbənin motivasiya kitabı təqdim olundu - FOTO

Gənclər arasında əzmkarlıq nümunəsi sayılan tələbə, 2-ci kurs tələbəsi Nurməhəmməd İsmayıllının müəllifi olduğu “Sınmayan iradə: Üfüqdə parlayan işıq” kitabının təqdimat mərasimi keçirilib.

Publika.az xəbər verir ki, Mingəçevir Dövlət Universitetinin İqtisadiyyat və idarəetmə fakültəsinin “Marketinq” ixtisası üzrə təhsil alan gənc yazarın kitabı ilk dəfə məhz öz universitetində oxuculara təqdim olunub.

Qeyd edək ki, fiziki çətinliklərə baxmayaraq güclü iradəsi ilə seçilən müəllif indiyədək bir sıra uğurlara imza atıb. Kitab da onun real həyat təcrübəsinə əsaslanan motivasiya xarakterli əsərdir. Burada fiziki və mənəvi çətinliklərə qarşı mübarizə, ümidsizliyə qapılmadan məqsədə doğru irəliləmək və insanın daxili gücünü kəşf etməsi kimi mövzular yer alır.

Müəllif öz nümunəsində göstərir ki, heç bir maneə insanın arzularına çatmasına əngəl ola bilməz.

Yaxın gələcəkdə əsərin Prezident Kitabxanasında sərgilənməsi də planlaşdırılır. Nurməhəmməd İsmayıllı həm də həmyaşıdları arasında əzmkarlıq rəmzi kimi tanınır və gəncləri təhsilə, özünüinkişafa təşviq edir.