Bakıda Pakistanın Müstəqillik Gününə həsr olunmuş tədbir keçirildi
Bizi izləyin

Sosial

Bakıda Pakistanın Müstəqillik Gününə həsr olunmuş tədbir keçirildi

Bakıda Pakistanın Müstəqillik Gününə həsr olunmuş tədbir keçirildi

Bu gün Pakistanın Müstəqillik Günü münasibətilə ölkənin Azərbaycandakı səfirliyində təntənəli tədbir keçirilib.

Publika.az xəbər verir ki, rəsmi mərasim Qurani-Kərim tilavəti ilə başlayıb.

Daha sonra Pakistanın Azərbaycandakı fövqəladə və səlahiyyətli səfiri Qasım Mohiuddin ölkəsinin dövlət bayrağını ucaldıb.

Dövlət himninin səsləndirilməsinin ardından, Pakistan Prezidenti Asif Əli Zərdari və Baş nazir Şahbaz Şərifin Müstəqillik Günü münasibətilə xalqa ünvanladıqları təbrik müraciətləri oxunub.

Tədbirdə bu tarixi günün əhəmiyyəti vurğulanıb, regionda və dünyada sülhün, əmin-amanlığın bərqərar olması üçün dualar edilib.

Maraqlı məqamlardan biri isə azərbaycanlı tələbələrin qonaq qismində urdu dilində çıxışlar etməsi olub.

Rəsmi hissənin sonunda səfir Qasım Mohiuddin çıxış edərək iki ölkə arasındakı qardaşlıq münasibətlərindən danışıb.

Mərasim qonaqlar üçün təşkil olunmuş ziyafətlə başa çatıb.

Oxumağa davam et
Reklam
Reklam

Gündəm

Zəfaran Hospital
Səba