Paşinyan Azərbaycan liderinin bu gedişindən QORXUYA DÜŞDÜ VƏ... - “Hələ üç ay öncə...”

“Əgər dekabrın 6-da Kollektiv Təhlükəsizlik Müqaviləsi Təşkilatının (KTMT) iclasında yeni baş katib seçilməsə, razılığa görə Ermənistan bu işi davam etdirəcək”.

Publika.az xəbər verir ki, bu barədə Ermənistanda baş nazir səlahiyyətini icra edən Nikol Paşinyan mətbuat konfransında deyib.

Paşinyan qeyd edib ki, onlar Ermənistanın maraqları məsələsində susmayacaqlar.

Ermənistanın baş nazir əvəzi Azərbaycan Prezidenti İlham Əliyevin Belarusa səfəri zamanı bu ölkə ilə hərbi-texniki əməkdaşlıq haqqında memorandum imzalanmasına da münasibət bildirib.

“Hələ üç ay öncə “Polonez”lərin Azərbaycana çatdırılması ilə bağlı müqavilə imzalanmışdı, hərçənd, həmin vaxt KTMT-də baş katib Ermənistanın nümayəndəsi idi. Biz bu sazişlərə qarşı çıxırıq, hesab edirik ki, KTMT-də əməkdaşlıq ruhuna və Ermənistanın maraqlarına ziddir. Bu məsələdə ən əhəmiyyətli məqam budur ki, biz izahatları almalıyıq, hər bir ölkə üçün tərəfdaşlığın öhdəlikləri aydın olmalıdır. Biz o ittifaqın öhdəliklərini yerinə yetiririk ki, burada bəzi tərəfdaşlarla tərəfdaşlıqdan danışmaq mümkün deyil”, - deyə Paşinyan danışıb.

Qeyd edək ki, KTMT-də Ermənistanın məğlubiyyətə uğraması, Azərbaycanın bu platformada uğurlu manevrlər etməsi, eləcə də dünən Azərbaycan və Belarus arasında hərbi əməkdaşlıq memorandumun imzalanması İrəvanda ciddi narahatlığa səbəb olub.

Asif