Cənubi Qafqaz

Ermənistan DƏHŞƏT İÇİNDƏDİR: Paşinyana lənət oxuyurlar... - FOTO

13 İyul 2020 13:00

“Paşinyan, sən əclafsan! Təki sənin oğlun tezliklə ölsün!”.

Publika.az xəbər verir ki, bu sözləri erməni Melan Xaçatryan adlı istifadəçi feysbukda Azərbaycan-Ermənistan sərhədinin Tovuz istiqamətindəki gecə döyüşləri barədə yazarkən qeyd edib.

O bildirib: “Bizim övladlarımızı artilleriya döyüşünə atdın. Bu, bilirsən nə deməkdir? O deməkdir ki, bu cür də cavab verilir və bizim də itkilərimiz var”.

Xaçatryan qeyd edib ki, əmisinə zəng vurub və o, sərhəd istiqamətinə 8 təcili yardımın getdiyini bildirib: “Deyir ki, 14-ə yaxın döyüşçümüz ölüb. Səni lənətə gələsən, Paşinyan!”

Qeyd edək ki, Ermənistan Müdafiə Nazirliyi ordunun itki vermədiyini bildirib və cəbhədəki məlumatları gizlədir. Nazirliyin mətbuat katibi isə sadəcə 2 polisin yüngül xəsarət aldığını açıqlayıb.