Gürcüstan Azərbaycanla quru SƏRHƏDLƏRİNİ AÇDI
Bizi izləyin
Aptekonline

Cənubi Qafqaz

Gürcüstan Azərbaycanla quru SƏRHƏDLƏRİNİ AÇDI

Gürcüstan Azərbaycanla quru SƏRHƏDLƏRİNİ AÇDI

Bu gündən Azərbaycandan Gürcüstana quru yolla səfər etmək mümkün olacaq.

Publika.az xəbər verir ki, qonşu ölkə yeni növ koronavirus pandemiyası səbəbindən bir ildən çoxdur bağlı saxladığı quru sərhədlərini açıb.

Gürcüstana daxil olacaq şəxslərdən son 72 saat ərzində aparılan PCR testinin mənfi nəticəsini təsdiqləyən arayış tələb ediləcək. Koronavirusa qarşı tam peyvəndlənmə kursunu keçənlər də həmin sənədi təqdim etməli olacaqlar.

Ziyarətçilər Gürcüstanda uzun müddət ərzində qalacaqları təqdirdə 72 saatın tamamında öz hesablarına təkrar test yoxlamasından keçməli olacaqlar. Əks təqdirdə 2 min lari (614 ABŞ dolları) məbləğində cərimə nəzərdə tutulub. Arayış tələbi yaşından asılı olmayaraq uşaqlara da şamil edilir.

Əcnəbi vətəndaşlara COVID-19-dan müalicəni nəzərdə tutan tibbi sığorta əldə etmək tövsiyə olunub.

Qeyd edək ki, Gürcüstan və Azərbaycan arasında quru sərhədlər vasitəsilə sərbəst gediş-gəliş ötən ilin martın 14-dən dayandırılmışdı. / Oxu.az

Teqlər
Oxumağa davam et
Reklam
Reklam

Gündəm

Aptekonline