Hökumət bizi tək qoydu - Arutyunyan

"Azərbaycan Zəngəzur sərhədində, Gorus-Qafan yolunda 24 saat ərzində bütün postları quraşdırdı. Orada azərbaycanlıların ağır texnikaları da işləyirdi. Sakinlər ərazidə 200-ə yaxın əsgər görmüşdülər. Onlar, cəmi bu qədər adam bir günə postları qurdu və möhkəmləndi".

Publika.az erməni mediasına istinadla xəbər verir ki, bunu Çakaten kəndinin bələdiyyə sədri Ara Arutyunyan deyib. O bildirib ki, hazırda 6 kəndin əhalisi üçün xüsusilə çətin vəziyyət yaranıb:

"Onlar da 5 addımlıq yolu gərək dolambac yollarla gedərək mənzil başına çatalar. Bu, ağlasığmazdır. İnsanlar məndən bir məlumat gözləyirlər. Onlar qonşu kəndə getmək üçün gərək meşə və dağlardan keçsinlər. Bu da mümkün deyil, çünki qış yaxınlaşır. Hökumət bizi burada tək qoydu. Bir dəfə də maraqlanmadı ki, vəziyyətiniz necədir. Artıq gecə 00:00-dan Azərbaycan tərəfinin sərhəd və gömrük postları fəaliyyətə başlayıb. Halbuki onlar dünən saat 16:00-da postlar qurmağa başladılar və axşam saatlarında işlərini bitirdilər. İndi biz pul ödəyib bir ərazidən digərinə keçməliyik".

Tural Turan