KTMT MƏNASIZ təşkilatdır – Zöhrab Mnasakanyan

Ermənistanın keçmiş xarici işlər naziri Zöhrab Mnasakanyan Kollektiv Təhlükəsizlik Müqaviləsi Təşkilatı Şurasının sentyabrın 13-də qəbul etdiyi qərarları tənqid edib.

Publika.az xəbər verir ki, bu barədə o “Tvitter”də bildirib.

“Dünənki sammitin işinin nəticəsi dayazdır, hərçənd ki, təəccüblü deyil. Sammitdə hökm sürən “hər iki tərəfi dinləmək” atmosferi fonunda KTMT-nin Baş katibinin regiona göndərilməsi boş qərardır, məqsədi Ermənistana hücuma görə kollektiv məsuliyyətdən qaçmaqdır”, – deyə Zöhrab Mnatsakanyan yazıb.

“Tvitter”dəki digər paylaşımında Z.Mnatsakanyan Qazaxıstan xarici işlər nazirinin “Azərbaycanla Ermənistan arasında sərhədin demarkasiya olunmadığına görə hər hansı sərhəd pozuntusundan danışmaq çətindir” sözlərini şərh edib. Ermənistanın keçmiş XİN başçısı yazıb:

““Obyektiv mənzərə əldə etmək zərurəti, çünki ziddiyyətli məlumatlar hər iki tərəfdən gəlir” və “sərhəd pozuntusu haqqında danışmaq çətindir, çünki demarkasiya olunmayıb” kimi şərhlər KTMT-nin mənasızlığını ən yaxşı şəkildə təsvir edir...”

Səxavət