Cənubi Qafqaz
Paşinyan Moskva görüşündən narazıdır - Rusiyanı ittiham etdi
Nikol Paşinyan Moskvanın Laçın dəhlizi ilə bağlı müzakirələrindən narazıdır.
Publika.az "Sputnik Armenia"ya istinadən xəbər verir ki, Ermənistanın baş naziri Nikol Paşinyan parlamentdə 2022-ci il büdcəsinin icrası ilə bağlı keçirilən dinləmələr zamanı Moskvada Laçın dəhlizi ilə əlaqədar keçirilən müzakirədən narazı olduğunu deyib.
O bildirib ki, Azərbaycan prezidenti İlham Əliyev və Rusiya lideri Vladimir Putinlə üçtərəfli görüşdə Dağlıq Qarabağdakı humanitar böhran və Laçın dəhlizinin qeyri-qanuni blokadaya alınması müzakirə mövzularından biri olub.
"Bu, rusiyalı həmkarlarla da müzakirə olunub. Nəticələrin qənaətbəxş olduğunu deyə bilmərəm. Bu, ağrılı vəziyyətdir, mən artıq demişəm ki, dəhlizin bağlanması Rusiya sülhməramlılarının gözü qarşısında olub. Biz müzakirələri davam etdirəcəyik”, - Paşinyan qeyd edib.
Baş nazir həmçinin əlavə edib ki, Moskvada regional kommunikasiyaların açılması müzakirə olunub və İrəvan buna hazır olduğunu bir daha bəyan edib. Eyni zamanda, Paşinyan qeyd edib ki, bu, 9 noyabr 2020-ci il tarixli Qarabağla bağlı üçtərəfli bəyanatın 9-cu bəndində öz əksini tapıb.
"Biz kommunikasiyaların açılmasında qərarlıyıq və maraqlıyıq. Biz çeviklik nümayiş etdiririk, lakin suverenlik prinsipinə və dövlətlərin səlahiyyətlərinə sadiqik", - o deyib.
Baş nazir əlavə edib ki, Moskvada dəmir yolu infrastrukturunun açılması məsələsi də müzakirə olunub. Onun fikrincə, bütün kommunikasiyaların açılması Ermənistan iqtisadiyyatının artımına təkan verəcək.
Mehti Kamiloğlu
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu