Cənubi Qafqaz

Ermənistan konstitusiyası dəyişdirilir - Paşinyana qarşı yeni cəbhə...

24 Fevral 2024 11:40

"Çox güman ki, gələn cümə günü (martın 1-i) konstitusiya islahatları komissiyasının və şuranın üzvləri Ermənistanın yeni konstitusiyasının yazılması məsələsini müzakirə etmək üçün baş nazir Nikol Paşinyanla görüşəcəklər".

Publika.az xəbər verir ki, bu barədə Hraparak nəşri yazıb.

Qeyd olunur ki, hazırda Paşinyan bu işi kimə tapşıracağını düşünür:

"Hazırkı kadrlara, yoxsa yeni müsabiqə elan edəcək? Mənbələrimiz əmindir ki, Paşinyan şura və komissiya yaratmaq üçün yeni müsabiqə elan etməyəcək. Birincisi, vaxt azlığı, ikincisi, o prosesdə iştirak etməyə az adam razılıq verəcəyinə görə. İndiki şurada, komissiyada da o damğasını alnında daşımaq istəməyənlər var. Onlar ötən sessiyada bu məsələni intensiv müzakirə ediblər. Təbii ki, fərqli çalar verdilər ki, mövcud qurumlar yeni konstitusiya yaza bilməz, onların belə bir mandatı yoxdur, dəyişiklikləri hazırlamaq üçün formalaşıblar".

Murad