Cənubi Qafqaz

Rusiyadan XƏBƏDARLIQ: qonşu ölkə yenidən çalxalana bilər - FOTO

25 Fevral 2024 20:00

Rusiyalı politoloq Aleksandr Dudçak Gürcüstanda yeni inqilab riski barədə xəbərdarlıq edib.

Publika.az xəbər verir ki, bu barədə "RİA Novosti" məlumat yayıb.

"Gürcüstanda 2024-cü ilin payızına təyin edilmiş parlament seçkiləri fonunda etirazlar başlaya bilər", - o vurğulayıb.

Ekspert qeyd edib ki, respublikada Avropa gündəmini əsasən prezident Salome Zurabişvili irəli sürür:

"Lakin yerli əhali Rusiya ilə normal mehriban qonşuluq münasibətlərinin bərpasının bəhrəsini artıq hiss edir: Ticarət dövriyyəsi ilə yanaşı, turist axını da var".

"Lakin parlament seçkilərindən sonra vəziyyət dəyişə bilər. Gürcüstan müxalifəti etiraz aksiyaları təşkil etməyə çalışacaq", - Dudçak əlavə edib.

Xatırladaq ki, Gürcüstanda 2003-cü ildə Qızılgül inqilabı baş verib. Nəticədə dövlət başçısı Eduard Şevardnadze vəzifəsini buraxmaq məcburiyyətində qalıb. Hakimiyyətə hazırda həbsdə olan eks-prezident Mixeil Saakaşvili gəlib.

Hüseyn İbadlı