"Space" telekanalından möhtəşəm layihə...

"Space" televiziyası Novruz bayramında "Yəhərlənib atlarımız" adlı möhtəşəm layihəsi ilə diqqət çəkib.

Publika.az xəbər verir ki, "Space" televiziyasının böyük ajiotaja səbəb olan layihəsi "Mədəni irsimizi qoruyaq" şüarı adı altında həyata keçirilib. Sözügedən kanalın ilk dəfə işğaldan azad edilən torpaqlarımızda təşkil etdiyi layihə alqışalayiqdir.

Layihə çərçivəsində Qarabağa həsrət qalan Qarabağ atlarının doğma Vətəninə yürüşü baş tutub. Qarabağ atları insanların sevgisi ilə doğma torpağına yola salınıb. Ağdamda Muğanlı Mərkəzində konsert proqramı ilə qarşılanan Qarabağ atları Ağdam şəhərinin xarabalıqlarından keçərək Şahbulaq qalasına yürüş edib.

Türk dünyasının yeni ili olan Novruz bayramında tarixdə ilk dəfə olaraq Şahbulaq qalasında baş tutanmöhtəşəm konsert proqramında 30-a yaxın xalq artistləri iştirak ediblər.

"Space" televiziyasının həyata keçirdiyi "Yəhərlənib atlarımız" layihəsi aksiya xarakteri daşıyır.

Hər il ermənilər Şahbulaq qalasında Tiqranakert qalası adı altında Yeni il bayramını keçirib.

Bu il türk dünyasının yeni ili münasibətilə "Space" telekanalının həyata keçirdiyi "Yəhərlənib atlarımız" layihəsi ermənilər üzərində böyük bir qələbənin təcəssümü oldu.

Layihə çərçivəsində "Space" kanalının əsas məqsədi mədəni irsimizi Qarabağda təqdim etməkdir. Mədəni irsimizin bir qolu da Qarabağ atlarıdır.

Qarabağ atlarının yürüşü aksiyası nəticəsində erməniri yalnız insanlara deyil, mədəni irsimizə də qarşı böyük bir vəhşilik etdiklərini göstərir. Biz artıq mədəni irsimizi bərpa edirik və qaytarırıq.

"Space" televiziyasının "Yəhərlənib atlarımız" layihəsi martın 20-21-dəefirə gedəcək.