Tabloid.az

Türk Dünyası Ədəbiyyat Festivalı keçirildi - FOTO

26 May 2022 14:26

BDU-nun həyətində 1-ci Türk Dünyası Ədəbiyyat Festivalı keçirildi. Giriş qapısından universitetin həyətinin sonuna kimi böyük izdihamla insanlar bu böyük festivala axın edirdi.

Publika.az">Publika.az xəbər verir ki, festivala böyük maraq var idi. Universitetin tələbələri, həmçinin ümumi oxucular kitablarla maraqlanır, yazıçı və şairlərə bu kitabları imzalatdırıb xatirə şəkili çəkdirirdi. Həmçinin festivalda müxtəlif milli musiqilər, rəqslər insanların əhvalını tam olaraq festivala kökləyirdi. Gənclər yallı gedir, əylənir, həm də kitabları almağa tələsirdilər.

AYB-nin sədri, Xalq yazıçısı Anar, "Qanun" nəşriyyatının rəhbəri Şahbaz Xuduoğlu, AYB-nin katibi Elçin Hüseynbəyli, Millət vəkili Qənirə Paşayeva və s kimi tanınmış simalar, məşhur şair və yazıçılar, türk dünyasının tanınmış şair və yazıçılarının iştirakı ilə keçirilən festivalın açılışı Azərbaycan Respublikasının himni ilə baş tutdu. Açılış mərasimində AYB-nin sədri, Xalq yazıçısı Anar, Millət vəkili Qənirə Paşayeva çıxış edərək, bu festivalı türk dünyası ədəbiyyatının ümumi bayramı olduğunu qeyd etdilər. Festivalın açılış mərasimində hər birinin içində tanınmış şairlərdən misralar olmaqla yüzlərlə şar havaya buraxıldı.