Tabloid.az

Rasim Balayevə yüksək vəzifə verildi - FOTO

31 May 2022 14:31

Bu gün Azərbaycan Kinematoqrafçılar İttifaqının konfransı keçirilib.

Publika.az xəbər verir ki, öncə kinodramaturq Rüstəm İbrahimbəyovun xatirəsi 1 dəqiqəlik sükutla yad edilib.

Azərbaycan Kinematoqrafçılar İttifaqının katibi Əli İsa Cabbarov tədbiri giriş sözü ilə açaraq görülən işlər barədə ümumi məlumat verib.

Daha sonra Xalq yazıçısı Anar Rzayev mərhum Rüstəm İbrahimbəyovun yerinə Xalq artisti Rasim Balayevi namizəd kimi təqdim edib. Konfrans iştirakçıları Rasim Balayevin namizədliyini yekdilliklə təsdiqləyib.

İttifaqın Rəyasət heyətinə Oleq Səfərəliyev, Həmidə Ömərova, Cəmil Fərəcov seçilib.

Qeyd edək ki, Rasim Əhməd oğlu Balayev 8 avqust 1948-ci ildə anadan olub. 1964-1969-cu illərdə Azərbaycan Dövlət İncəsənət İnstitutunda təhsil alıb.

“Azərbaycanfilm” kinostudiyasının istehsal etdiyi bir çox filmlərdə(“Nəsimi”, “Dədə Qorqud”, “Babək”, Birisigün gecəyarısı”, “Qanlı zəmi”, “İstintaq”, “Qatır Məmməd”, “Arxadan vurulan zərbə”, “Həm ziyarət, həm ticarət”, “Qala”, “Cavid ömrü” və s.) əsas rollarda çəkilib. Eyni vaxtda “Özbəkfilm” “Mosfilm” və b. studiyalarda da filmlərə çəkilib.

1990-cı ildən 2013-cü ilə qədər Azərbaycan Kinematoqrafçılar İttifaqının I katibi olub.

Foto: Rüfət Mikayılov