Sənətçinin oğlu xəstəxanaya yerləşdirildi - “Xilas ola bilmədik” FOTO+ÖZƏL

Bu günlərdə paytaxtın ən nüfuzlu restoranlarının birində yeganə övladı Babəkə toy çaldıran Aşıq Zülfiyyənin sevinci uzun çəkməyib.

Publika.az-ın əldə etdiyi məlumata görə, təzə bəy xəstəxanaya aparılıb. Ayağında sınıq diaqnozu ilə dünən gecə xəstəxanaya aparılan Babəkin ayağı gipsə salınıb.

Xəbəri Aşıq Zülfiyyə də təsdiqlədi: “Toy sevincimiz uzun çəkmədi. Babək evdə iş gördüyü yerdə ayağı sınıb. Gecəylə təcili tibbi yardım maşını çağırdıq, həkim bildirdi ki, oğlumun ayağı sınıb. Xəstəxanaya yerləşdirdilər. Ayağını gipsə qoyublar, yəqin ki, bir müddət əsa ilə yeriməli olacaq”.

Aşıq Zülfiyyə oğlunun başına gələn bu hadisədə bədnəzərləri günahlandırır: “İndiyədək gözə, nəfsə inanmırdım. Amma oğlumun başına gələn bu hadisədən sonra başa düşdüm ki, doğrudan da, göz-nəzər varmış. Durduğumuz yerdə başımıza belə iş gəldi. İndi mən gözə, nəfsə inanmayım, neyləyim? Sözün düzü, toyda da çox həyəcanlı idim. Balamın toy mərasiminin sağ-salamat ötüşməsi üçün qurban da demişdim. İnanın ki, gözə-nəfsə görə nişanlanması xəbərini də hamıdan gizlətmişdim. Yalnız toy günündən bir həftə əvvəl hamıya bu barədə demişdik. Amma bədnəzərdən xilas ola bilmədik”.

Cəvahir Səlimqızı