Bunları oxuduqdan sonra mütləq İrlandiyaya gedəcəksiniz: XƏYALLARIN ŞƏHƏRİ - FOTO
Bizi izləyin

Yolçu

Bunları oxuduqdan sonra mütləq İrlandiyaya gedəcəksiniz: XƏYALLARIN ŞƏHƏRİ - FOTO

İrlandiya turistlərin ən çox getdiyi yerlər arasında ilk gözə çarpan ölkə olmaya bilər. Lakin oraya səyahət edən turistlər əminliklə söyləyir ki, İrlandiya sizə bütün dərdinizi və qəminizi unutdurmaq üçün ideal ölkədir. Əgər daha çox təcrübə toplamaq və tarixi abidələri ziyarət etməyi xoşlayırsınızsa, onda doğru ünvandasınız!

Əsl "Giunnes" pivəsi, meqalitlər, zümrüd rəngli təbiətin və ağ okean dalğalarının fonunda orta əsr qəsrləri İrlandiyaya səyahət üçün turistlərə təklif edilən vədlərin ancaq bir hissəsidir. Böyük tarixə malik İrlandiyada həqiqətən də bizim günlərə qədər qorunub saxlanılan qədim abidələr beşiyidir.

Beləliklə Publika.az-ın “Yolçu” layihəsi çərçivəsində oxucuları bu həftə İrlandiya torpaqlarına virtual səyahətə dəvət edirik.

Hava şəraiti

Image result for Irland nature

İrlandiya Respublikası Qərbi Avropada, İrlandiya adasının böyük bir hissəsində yerləşir. Paytaxtı Dublin şəhəridir. İki rəsmi dili var: irland və ingilis. Onu zümrüd ölkəsi də adlandırırlar.

Burada həmişə yağışlı, dumanlı və küləkli hava şəraiti müşahidə olunur. Qışı yumşaq, yayı isə soyuq və buludlu keçir. Ən soyuq aylar yanvar, fevral, ən isti aylar isə iyul və avqustdur. İl ərzində temperatur nadir hallarda +4-dən aşağı düşür, yayda isə +23-dən də yuxarı qalxmır. Qar nadir hallarda yağsa da tez əriyir. Hətta, irlandlar öz aralarında zarafat edib belə deyirlər: “Yay qışdan yalnız yağışa görə fərqlənir. Yayda isti, qışda isə soyuq yağışlar yağır”.

Ona görə də, İrlandiyaya səfər üçün ən ideal vaxt yay aylarıdır. Əgər sizi çiskin hava qorxutmursa, onda İrlandiyaya may-iyun və sentyabr aylarında, əcnəbilərin axını zəiflədiyi bir vaxtda da səyahət edə bilərisiniz.

Əsl xoşbəxtliyi kəşf edin

İrlanda_simgesi

İrlandiya xalqı çoxlu çətinliklərə sinə gərib. Məsələn, bəzi mənbələrə görə, 1845-1851-ci illər ərzində kartof sahələrinə düşən xəstəlik ucbatından məhsul zay olduğundan aclıqdan və xəstəlikdən bir milyona yaxın insan tələf olub. Çoxları səfalətdən canlarını qurtarmaq üçün Avstraliya, Birləşmiş Ştatlar, Böyük Britaniya və Kanada kimi ölkələrə mühacirət edib. Bu gün təxminən 35 milyon amerikalının kökü İrlandiyaya gedib çıxır.

Bu faktlara baxmayaraq irlandlar istiqanlı və qonaqpərvər xalqdır. İrlandlar həm də ünsiyyətcil və musiqisevər insanlardır. Onlar dünyanın ən xoşbəxt əhaliləri arasında ilk sıralarda dayanır. Yerlilərin sözlərinə görə, İrandiyaya gələn səyyahlar özünü burada çox xoşbəxt hiss edir. Başqa bir araşdırmada məlum olub ki, irlandlar dünyada gün ərzində ən çox gülən, tanımadığı adamlara salam verən, hər hansı şəxsə “yox” cavabını verməkdən çəkinən nadir xalqlardan biridir. Ölkəyə ayaq basdığınız andan etibarən ofisiantdan sürücüyə, satıcıdan polisə, bələdiyyə işçisindən vəzifəli məmurlara qədər hər kəs sizi çox nəzakətlə qarşılayacaq, ən vacibi isə üzlərdən gülüş heç vaxt əskik olmur. Bu qəribə insanlarla tanış olub İrlandiyada dərdsiz-qəmsiz həyat sürmək olar... Odur ki, İrlandiyaya rahatlıqla təkbaşına da getmək olar. Hər halda bu qədər səmimi və xoşxasiyyət insanlar arasında darıxmaq ağlabatan görünmür. Hər səhər tanımadığınız məhəllərdə gülərüzlü insanlara salamlaşmaqdan xoş təsir bağışlayan başqa nə olar bilər ki?

Dünya şöhrətli irland pubları

Dublin'den_ne_alınır?

Əyləncəli irland pubları Avropada xüsusilə taxta dizaynı, rəngarəng konsepsiyası, müxtəlif içki növləri, ən başlıcası isə “Guinnessi” pivəsiylə olduqca məşhurdur. İndi isə ağlınızda canlanan bu konsepsiyaya coşqulu və xoşbəxt irland izdihamını, inanılmaz dərəcədə əyləncəli milli musiqilərini, rəqs etmədən dayana bilməyən istiqanlı insanları və ölkənin hər bir şəhərinə xas olan yüzlərlə spirtli içki növlərini əlavə edin. Əsl irland pubları belə olur. Pub cənnəti kimi tanınan “Tampl Bar” isə Dublinin mərkəzində yerləşir. Bu, içki kolleksiyaçıları üçün İrlandiyaya getmək səbəbləri arasında ulduzlu maddələrindən biri olacaq.

Turistlərin ən çox axın etdiyi “The Tampl Bar” şəhərin rəmzinə çevrilib. Küçə boyu uzanan pub zəncirində bəzi “Ginnes” və “Jameson” kimi irland zavodlarının xüsusi içkiləri təklif edilir. İçkilərin hamısının dadına baxın və həyatdan zövq alın. Yeri gəlmişkən, irlandlar içki içəndə də ayıq olur.

Musiqisi

İrlanda'ya_Gitmek_için_10_Neden

İrland içkiləri çox məşhur olsa da, pubları musiqi olmadan təsəvvür etmək mümkün deyil. Amma irlandlar canlı musiqyə daha çox üstünlük verir. Utanmasalar, gecə klublarında da səhərə qədər çalıb-oxuyarlar. Odur ki, yolunuz İrlandiyadan düşəndə lövhələrdə “Irish Live Music” (Canlı irland musiqisi) sözlərini görəndə təəccüblənməyin.

İrlanda_Dublin_şehrinin_simgesi

İrlandiya musiqiləri sürətli tempi və bir-birinə oxşar mahnılar olduğuna görə uşaq mahnılarını xatırladır, lakin oynaq ahəngi sizi ayağa qalxıb rəqs etməyə vadar edir.

Yamyaşıl təbiət

Kuzey_İrlanda

Ada iki hissədən - Birləşmiş Krallığın tərkibində olan Şimali İrlandiyadan və ərazisinə görə daha böyük olan müstəqil İrlandiya Respublikasından ibarətdir. İrlandiyada yaşıllıqların rəngi seçilir. Təbiət və yaşıllıq aşiqsinizsə, bilin ki, bu ölkədə bir-birindən gözəl yerlər var. İrlandiyada ən çox diqqətəlayiq olan onun təpəcikləri və məhsuldar otlaqları olan təbiətidir.

Ölkənin paytaxtı Dublin Avropanın texnologiya mərkəzi hesab olunur. Bununla belə şəhər mərkəzi parklarla doludur. Nahaq yerə demirlər ki, Dublin adi paytaxt deyil, ölkənin göz bəbəyidir. Foeniks Park Avropanın ən böyük şəhər parklarından biridir. Şəhər mərkəzində yerləşən mcüzə deyilmi? Düşünün, işdən çıxırsınız və dərin nəfəs almaq üçün özünüzü birbaşa parka atırsınız.

Image result for Phoenix Park

Parkı tamamilə gəzmək 3-4 saat vaxtınızı alacaq. Bu parkda velosiped icarəyə götürüb gəzə də bilərsiniz. Parkın girişində böyük heyvan parkı da mövcuddur. Bu nəhəng parkda ördək və maral sürülərini görmək imkanı əldə edəcəksiniz. Sanki filmin içərisində yaşayacaq, amma heç bitməsin istəyəcəksiniz.

İrlandiyanın başqa şəhərlərində də kifayət qədər görməli yerlər var. Bunun üçün şəhərlərə qatarla çoxsaylı turlar təklif olunur. Yeri gəlmişkən, yol boyu qatar pəncərəsindən heyranedici mənzərələrlə rastlaşacaqsınız.

Təbiət mənzələri

Saymaqla bitməyən təbiət gözəllikləri bu fantastik ölkəyə getmək üçün ən böyük və əsas səbəb ola bilər.

İrlandiya turlarında ən çox üstünlük verilən məntəqələr: Moher uçurumları, nəhənglərin vulkanik ayaq izləri, 2 yüz illik ağacları, böyük və iki gölün arasında qalan Qlendalox dağlarıdır.

Kuzey_İrlanda

Atlantik Okeanının uçurumları boyu uzanan körpüdə yerimək həm qorxulu, həm həyəcanlıdır, həm də əsl adrenalin yaşadır. Adaya aparan bu körpü üzərində yerişi unutmaq mümkün deyil.

Kuzey_İrlanda

6-cə əsrdə St. Kevin tərəfindən inşa edilən və xristianların müqəddəs yeri olaraq qəbul edilmiş monastırdan qalan divara həkk olunmuş xaça toxunub bütün günahlarınızı sildikdən sonra göllərə doğru yürüşə çıxa bilərsiniz.

İrlanda_Gezilecek_Yerler

Müəyyən edilmiş marşrutlardan birini seçərək əvvəl Louer, daha sonra Apper gölü yaxınlığında İrlandiya meşələrində itə bilərsiniz...

İrlanda_Turları_-Glendalough

Nəhənglərin ayaq izləri

Dublin_Günlük_Turları_ile_Kuzey_İrlanda_Giant's_Causeway

Nəhənglər cığırı Şimali İrlandiyanın şimal sahillərində yerləşir. Əfsanəyə görə, Giants Kausevey irlandiyalıların ingilislərə qarşı apardığı mübarizə illərində İrlandiyanı xilas edən nəhənglərin ayaq izlərinin olduğu yoldur.

Geoloqlar isə 40.000 ədəd beşguşəli, altıbucaqlı və yeddibucaqlı fiqurların 60 milyon il əvvəl vulkanik hadisələrin nəticəsində lava seli ilə dənizin qovuşmasından yarandığını deyir. Bu cığır minlərlə bazalt daş sütunlardan ibarətdir və qədimdə dəniz suyuna qarışan lavanın soyuması nəticəsində yaranıb. Təbiət möcüzəsi nəticəsində yaranmış yolda nəhənglərin ayaq izlərinə baxıb onları xəyalən təsəvvür etmək də sizin öhdənizə düşür...

Taxt-tac oyunları

Game_of_Thrones_Seti

Taxt-tac oyunları adlandırılan ərazinin mərkəzi hissəsi görülməli yerlərdən biridir. Eyniadlı serialın Şimal imperiyalarla bağlı bölümlərinin hamısı burada çəkilib. Krallıq Yolunda 18-ci əsrdə əkilən ağacların iki əsr sonra aldığı inanılmaz görkəmi insanı nağıllar aləminə aparır.

Tarixi

İrlandiya zəngin və maraqlı tarixi olan Avropa ölkələrindən biridir. Buraya gəlsəniz, nəhəng qəsr və qalalar, qeyri-adi muzey və konsert zallarına baş çəkməyi unutmayın.

Qəsrlər

Kuzey_İrlanda

İrlandiya keçmişlə bağlı əfsanələri sevən insanlar üçün ideal yerdir. Çünki burada yerləşən qəsrlərə yalnız baxmaq yox, eləcə də nömrə sifariş edərək, özünüzü lap qədim zamanlarda hiss edə bilərsiniz. Demək olar ki, hər qraflıqda qəsr yerləşir: Kelduill, Bellintobir, Kerraykfirqus, Kpokxen. Orta əsr feodal qəsr və malikanələrinin sayına görə ola bilsin ki, İrlandiya Avropa ölkələri arasında birinci yer tutur. Təkcə, Kler qarflığında onların sayı 200-ə barəbərdir. Ümumilikdə isə ölkədə irlandlar, ingilislər və şotlandlar tərəfindən inşa edilən 350-dən çox qalalar var.

Dublin qəsri

Правительственный комплекс зданий в Дублине

Bu qəsr Dublini möhkəmləndirmək üçün tikilib, daha sonralar isə kralın iqamətgahı olub. Vaxtilə parlament və məhkəmələr bu qəsrdə yerləşirdi. Bu gün isə hökumət binasıdır.

İrlandiya mədəniyyəti

İrlanda_Gezilecek_Yerler

Uzun illər müharibə şəraitində yaşadığı İngiltərə ilə qonşu olmasına və vikinq basqınlarına məruz qalmasıma, həmçinin təcrid olunmuş bölgə olmasına baxmayaraq, İrlandiya öz mədəniyyətini qoruyub saxlaya bilib. Hər yerdə İrlandaca yazıların olması, özünəməxsus memarlıq nümunələri, rəngarəng qapılı evləri, özlərinə xas yeməkləri və təbii ki, çoxsaylı içki növləri onların öz mədəniyyətlərinə sevgi dərin sevgi hissi ilə yanaşdıqlarını və onu yaşatdıqlarını bir daha sübut edir.

Ölkənin mədəni sərvətlərini yaxından tanımaq istəyənlər üçün turistlərə bir günlük Dublin turları təklif edilir. Bu turlara Qoluey, Kilkenny və Connemara kimi şəhər və qəsəbələrinə gəzintilər daxil edilir.

Sənət və ədəbiyyat

Dublin_Gezi

Dünyanın ən önəmli müəlliflərini yetişdirən Dublin UNESCO tərəfindən "Ədəbiyyat Paytaxtı” seçilib. Samuel Bekett, Oskar Uayld, Ceyms Coys, Bernard Şou, V.B Yeats, Seamus Heaney, Bram Bazaya, Conatan Svift kimi dünya şöhrətli yazıçılarıbu torpaqları yetişdirib.

Dublində yerləşən məşhur Triniti Kolleci Kitabxanasına ziyarət ədəbiyyat həvəskarlarının ürəyincə olacaq. Bu kitabxanada xristian dünyası üçün dəyərli olan kitabların yerləşdiyi “Book of Kells” muzeyi də diqqəyəlayiq yerlərdəndir.

Dublin_turu_St._Patrick's_Cathedral

Müxtəlif ədəbiyyat tədbirlərinin keçirildiyi Dublin Yazıçılar Muzeyində isə yazıçılara aid olan kitablar, fotoşəkillər, əlyazmalar və şəxsi əşyaları sərgilənir.

Avropanın texnologiya mərkəzi

Teknoloji_Merkezi_Dublin

“Google”, “Facebook”, “Yahoo”, “Microsoft”, “Intel”, “Pay-Pal”, “Ebay”, “Linkedin” kimi dünyanın ən nüfuzlu texnologiya firmalarının ofisləri Dublində yerləşir.

Dünyanın nəhəng şirkətlərinin ofisləri “Grand Canal Dock” deyilən ərazidədir.

İrlandiya mətbəxi

Image result for irish food

İrlandiya mətbəxi qədim, sadə və doyumludur. İrlandiyaya əhalisi kartofla tanış olana qədər ət, balıq, süd və dəniz məhsullarından istifadə edirdilər. Kartofun İrlandiyaya gətirilməsi ilə, bu xalqın mətbəxində yeni dövr başlayıb. Demək olar ki, irland mətbəxinin əsas ərzaqlarından biri olub. Hazırda milli irland yeməklərinin əksəriyyəti kartofdan hazırlanır. Misal üçün, kartof çörəyi, soğan sousunda kartoflu qoyun döş əti və kələmli kartof püresi. Müxtəlif ərzaqları qarışdırmaq adəti irland mətbəxinin zəngin olmasına gətirib çıxarıb.

Image result for irish food

Qədim irland mətbəxinin özəlliklərindən biri də ev və çöl quşunu əvvəlcədən basdırma etmədən bişirmələri olub. Quşun içalatını təmizləmədən üstünə gil sürtüb, ocaqda qızardırdılar. Sonra gillə birlikdə quşun dərisini də çıxarırdılar. Buna görə də, əvvəlcədən basdırma etməyə ehtiyac qalmırdı. Çörəyi, adətən, yulaf və arpadan hazırlayırdılar.

Image result for irish food

Şorbalar irland süfrəsində xüsusi yerə tutur. Bir neçə balıqdan istifadə etməklə, qeyri-adi dada malik şorbalar hazırlayırlar. Yulafdan və xoruz ətindən hazırlanan sulu yeməklər isə irland mətbəxinin məşhurlarındadır. İrland mamırından hazırlanan şirniyyatlarsa qeyri-adiliyi ilə fərqlənir.

İrlandiya haqqında maraqlı faktlar:

Həyatınızda görə biləcəyiniz ən xoşbəxt insanlar burada yaşayır.

Yaşılın bütün çalarlarını ancaq Dublində görə bilərsiniz.

Daha çox pivə və viski növünü dadmaq imkanınız olacaq.

P.S. Məhəbbəti hesaba almasaq, səyahət insana hər şeydən artıq sevinc və təsəlli verir. Nədənsə, bütün yeni şeylər bizə çox əhəmiyyətli görünür və əslində yalnız hisslərimizin hadisələri nə dərəcədə qavradığını əks etdirən ağıl, təəssürat axını qarşısında arxaya keçir. Səyahət zamanı sevgilini yaddan çıxarmaq, kədəri dağıtmaq, ölüm kabusunu özündən kənar etmək olar. “Mən səfərə çıxıram” kimi sadə ifadədə özünə çıxış tapmayan bir aləm hissiyyat gizlənib.

Bəli, səyahətin xoşbəxtliklə mütləq bir əlaqəsi olmalıdır! Nə qədər çox yer gəzsək, görsək və təcrübədən keçirsək, həyatdan o qədər çox zövq alarıq. Dayanmadan kəşf etmək üçün xəyallarınızın ardınca gedin. Həmişə gəzməklərdə!

Aytən

Oxumağa davam et
Reklam
Reklam

Gündəm