Ukrayna əsgərlərinin başını kəsən "Givi" ləqəbli polkovnik öldürüldü - - VİDEO
Bizi izləyin

Dünya

Ukrayna əsgərlərinin başını kəsən "Givi" ləqəbli polkovnik öldürüldü - - VİDEO

“Givi” Donbas savaşının əsas iştirakçılarından biri idi.

Ukraynanın Donetsk vilayətində “Givi” ləqəbli məşhur terrorçu, “Somali” taborunun başçısı Mixail Tolstıx öldürülüb.

Publika.az xəbər verir ki, bu haqda “Donetsk Xalq Respublikası”nın (“DXR”) “Müdafiə Nazirliyi”ndən bildirilir.

Qeyd edilir ki, tabor rəhbəri “terror aktı” nəticəsində ölüb.

“Bu gün terror aktı nəticəsində “Somali" taborunun komandiri polkovnik, “Givi” kimi məşhur olan Mixail Tolstıx həlak olub. Hazırda terror aktı yerində istintaq qrupu işləyir”, - məlumatda deyilir.

Terrorçu "Şmel” qumbaraatanından açılan atəş nəticəsində öldürülüb. Rusiya mətbuatının yazdığına görə, atəş açılan zaman "Givi" öz kabinetində olub.

Xatırladaq ki, ötən həftə Mixail Tolstıxın Avdeyevka ətrafında gedən döyüşlərdə yaralandığı barədə xəbərlər yayılmışdı. “Givi” Donbas savaşının əsas iştirakçılarından biri idi. “Somali” taborunun rəhbəri 2015-ci ildə Avropa İttifaqının “qara siyahı”sına daxil edilib. Ukrayna onu beynəlxalq axtarışa verib.

Ömər Dağlı

Oxumağa davam et
Reklam
Reklam

Gündəm