Dünya

Əli Xamneyi yenə “ingilis barmağı”ndan danışdı

14 Oktyabr 2014 13:41

Yaxın Şərqdə İŞİD təhlükəsindən danışan İranın ali dini lideri Əli Xamneyi növbəti dəfə Qərbi ittiham edib.

Publika.az-ın xarici mediaya istinadən verdiyi məlumata görə, şiələrin “Gadiri Hum” bayramında çıxış edən dini lider İŞİD və “Əl-Qaidə” təşkilatlarını ABŞ ilə İngiltərənin qurduğunu bildirib.

Dini lider qeyd edib ki, əsas məqsəd sünnilər ilə şiələr arasında qarşıdurma yaratmaqdır. Keçən ay keçirdiyi cərrahiyyə əməliyyatından sonra ilk dəfə danışan Əli Xamneyi “Amerika, sionizm və xüsusilə peşəkar bölücü ilan ingilis hökuməti sünnilər ilə şiələr arasında qarşıdurma yaratmaq üçün səylərini artırdılar” deyib.

Ömər Dağlı