Eldəniz Məmmədov: “Ağıllı qadın kişinin...” - FOTOLAR

“Bütün ömrüm boyu mən özümü qadınlardan qorumuşam. Bu gün də belədir”. Bunu müğənni Könül Kərimova “Space” telekanalında efirə gedən “Günaydın” verilişində “ailədə qadın savadlı, yoxsa savadsız olmalıdır”,- mövzusunda gedən müzakirələr zamanı deyib.

Publika.az xəbər verir ki, müzakirələrdə müğənni Könül Kərimova ilə yanaşı muğam ifaçısı Eldəniz Məmmədov da iştirak edib. E.Məmmədov ağıllı qadınlara üstünlük verdiyini bildirib:

“Kişinin yanında ağıllı qadının olması onun başının ucalığıdir. Ağıllı qadın övladlarına da düzgün tərbiyə verəcək. Ən azından övladların savadlı böyüyəcək. Belə ağıllı qadınları sevməmək olmaz”.

K.Kərimova isə ağıllı qadınların daha çox hiyləgər olduğundan bəhs edib.

“Ağıllı kişilər ağıllı qadınları sevir. O, ağılsız kişilərdir ki, ağılsız qadınların peşindədirlər. Qadınlar çox hiyləgər olur. Bu, tarixən belə olub. Qadın yıxan evi fələk də yıxa bilməz. Bütün ömrüm boyu mən özümü qadınlardan qorumuşam. Bu gün də belədir”.

Qeyd edək ki, “Günaydın” verilişi həftə içi 5 gün saat 14:20-də Vüsalə Kərimovanın təqdimatında “Space” telekanalında yayımlanır.

İsa Şükürov