Xarço - Resept

Xarço gürcü xörəyidir. Onu qoyun, toyuq, ördək ətindən hazırlamaq mümkündür. Publika.az-ın mətbəx bölməsi xarçonun reseptini təqdim edir:

İnqrediyentlər:

Qoyun və ya mal əti - 600 qram

Soğan - 2 ədəd

Kök - 1 ədəd

Pomidor - 4 ədəd

Şirin bibər - 1-2 ədəd

Sarımsaq - 3-5 diş

Düyü - 4-5 xörək qaşığı

Qoz ləpəsi - 0,5 stəkan

Dənəcəkli qara istiot - 5-10 ədəd

Dəfnə yarpağı - 2 ədəd

Bitki yağı - 2 xörəl qaşığı

Duz - 1,5 qaşığı

Keşniş, cəfəri - 0,5 dəstə

Acı bibər - 1 ədəd

Hazırlanması:

Əti doğrayın, 10 dəqiqə güclü odda tavada qızardın.

Doğranmış soğan, yerkökü əlavə edilir. Daha 10-15 dəqiqə qarışdırılır.

Tərəvəzlə əti qazana qoyun, üzərinə 2,5-3 litr soyuq su əlavə edilir və zəif odda 30-45 dəqiqə qaynadılır, qaynama müddəti ətin növündən də asılıdır.

Pomidoru sürtgəcdən keçirin, şirin bibəri xırda kub formasında doğrayın, ət yaxşı bişəndə bunları da əlavə edin. Düyünü əlavə edin və bişənə qədər bişirilir.

Ən sonda isə əzilmiş istiot, qoz, əzilmiş sarımsaq və dəfnə yarpağı əlavə edilir.

Odu söndürün, xörəyi 20 dəqiqə saxlamaq lazımdır. Xörəyi boşqaba çəkəndə üzərinə halqa formasında doğranmış acı istiot və doğranmış keşniş və cəfəri tökmək lazımdır.

Nuş olsun!

Publika.az