ABŞ-ın 1-ci xanımı: Heç kəsdən maddi asılı olmaq istəmirəm - FOTO

ABŞ prezidenti Cozef Baydenin həyat yoldaşı Cil Bayden “Harper's Bazaar” jurnalının üz qabığında çəkilib.

Publika.az&source=gmail&ust=1654171081268000&usg=AOvVaw0oAB0tYVse7W6_LPWFO_f_" href="https://publika.az/adm782/az/pending-news/edit/Publika.az" target="_blank">Publika.az">Publika.az xarici mətbuata istinadən xəbər verir ki, birinci xanım jurnala müsahibəsində ərinin hər addımını dəstəklədiyini deyib. O, bildirib ki, Bayden prezidentliyə namizədliyini irəli sürərkən, çox işləməyə və universitetdə ingilis dilini öyrətməyə davam edib.

“Mən işləməyi sevən qadınam”, - birinci ledi özü haqqında danışarkən deyib.

ABŞ-ın birinci xanımı bildirib ki, birinci ərindən boşandıqdan sonra çətin günlər keçirib. O, ilk dəfə 18 yaşında evlənib və boşanma çox ağrılı olub: “Evlilik institutuna çox inanırdım. Odur ki, evliliyimin dağılması mənim üçün çətin oldu. Boşandıqdan sonra maddi problemlərlə üzləşdim. Qalmağa yerim və pulum yox idi. Həmin vaxt universitetə daxil olmaq üçün kursa getməyə başladım. Valideynlərim evə qayıtmağımı istəsə də, imtina etdim. Bu vəziyyət həyatımın sonrakı mərhələsini tamamilə dəyişdi. Anladım ki, bir daha heç kimdən maddi asıllığımın olmasını istəmirəm. Özümü bir daha pis vəziyyətdə qoymayacağıma qərar verdim. Bu barədə həmişə qızıma danışırdım, indi isə nəvələrini ruhlandırıram. Qızıma deyirdim ki, müstəqil yaşamağı öyrənməlisən, nəvələrimə isə deyirəm ki, gərək öz ayaqlarınızın üstündə dura biləsiniz”, - birinci ledi qeyd edib.

ABŞ-ın birinci xanımı ərini hər zaman dəstəkləməyə çalışdığından da danışıb: “Conu dəstəkləməyə çalışır və tez-tez “Əla idi, sadəcə möhtəşəm çıxış idi” sözlərini deyirəm. Onun üçün onun istədiyi insan olmağa çalışıram”.

Məlumat üçün bildirək ki, Co Bayden ilk həyat yoldaşını və kiçik qızını avtomobil qəzasında itirdikdən 5 il sonra 1977-ci ildə professor və ingilis dili müəllimi Cil Baydenlə evlənib. Baydenin iki oğlu sağ qalıb, lakin onlardan biri Baydenin seçki kampaniyasından əvvəl 2016-cı ildə xərçəngdən vəfat edib. Ondan sonra Bayden seçkilərdən kənara çəkilmişdi. 1981-ci ildə Co və Cin Baydenin Eşli adlı qızı dünyaya gəlib.