ABŞ

Moskvanı qəzəbləndirən BƏYANAT: ABŞ son 5 ildə...

29 Mart 2019 08:22

Vaşinqton 2014-cü ildən Ukrayna ordusunun güclənməsi və NATO ilə münasibətlərin yaxşılaşmasına 1,3 milyard dollardan çox xərcləyib.

Publika.az “İzvestiya” nəşrinə istinadən xəbər verir ki, bu haqda ABŞ Müdafiə Nazirliyinin (Pentaqon) mətbuat katibi Erik Pahon deyib.

Onun sözlərinə görə, ABŞ ittifaqa daxil olmala bağlı Ukraynanın cəhdini dəstəkləyir, ancaq ərazi məsələsi, xüsusi halda Krım problemi bu prosesə mane olur.

Xatırladaq ki, fevralda Ukrayna Konstitusiyasına NATO və Avropa İttifaqına üzvlük kursunu möhkəmləndirən dəyişikliklər edilib. Həmçinin, 2014-cü ilin dekabrında Ali Rada neytral dövlət statusundan imtina edib.

Ekspertlər hesab edilər ki, Kiyev ən yaxın 20 ildə NATO-ya üzvlüyə iddia edə bilməyəcək.