ABŞ

Tramp FTB-ni oğurluqda İTTİHAM ETDİ

16 Avqust 2022 00:00

ABŞ-ın keçmiş prezidenti Donald Tramp FTB-ni mülkündə axtarışlar zamanı onun üç pasportunu, o cümlədən müddəti bitmiş sənədi ələ keçirməkdə ittiham edib.

Bu barədə Publika.az xarici KİV-ə istinadla xəbər verir.

Siyasətçi agentlərin hərəkətlərini “oğurluq” adlandırıb. Onun sözlərinə görə, axtarış heç bir presedenti olmayan siyasi rəqibə hücumdur.

"Mar-a-Laqoda Federal Təhqiqatlar Bürosunun reydi zamanı onlar mənim üç pasportumu oğurladılar. Digərləri ilə yanaşı birinin vaxtı keçmişdi" - Tramp etiraz edib.

Keçmiş dövlət başçısı "Fox News"a müsahibəsi zamanı qeyd edib ki, FTB agentləri onun mülkündə axtarış apararkən hər hansı dəlil yerləşdirə bilərdilər. Siyasətçinin sözlərinə görə, axtarış zamanı təhlükəsizlik xidməti onlara öz hərəkətlərini lentə almağı, həmçinin onlarla eyni binada olmağı qadağan edib.

Hüseyn İbadlı