Bayden yenidən prezident seçilmək istəyir

ABŞ prezidenti Co Bayden 2024-cü ildə yenidən dövlət başçısı seçilmək üçün mübarizə aparacağını açıqlayıb.

Publika.az xəbər verir ki, lakin o, yekun qərarı yalnız gələn ilin əvvəlində vermək niyyətindədir.

" Yenidən namizədliyimi irəli sürmək niyyətindəyəm, lakin taleyə böyük hörmətim var. Və bu, nəhayət, ailə qərarıdır. Düşünürəm ki, hamı mənim seçkilərdə iştirak etməyimi istəyir, lakin biz bunu hələ də müzakirə edəcəyik", - TASS Baydendən sitat gətirirb.

Amerika prezidenti vurğulayıb ki, həyat yoldaşı ilə (Cill) noyabrın 24-dən Milad ili arasında istirahət edəcəklər və gələn ilin əvvəlində qərar verəcəklər.

Eyni zamanda, Bayden indi öz namizədliyini irəli sürməyə meyllidir.

Bundan əvvəl ABŞ prezidentinin həyat yoldaşı ərinin ikinci dəfə bu vəzifəyə namizədliyini irəli sürmək niyyətini dəstəkləyib .

O, Baydenin ikinci müddətə gedəcəyini birbaşa ifadə etməuib, lakin onun buna qarşı olmadığını açıqlayıb.

NBC qeyd edib ki, həyat yoldaşının razılığı olmadan Bayden prezidentlik yarışında iştirak etməyəcək.

Hüseyn İbadlı