ABŞ

Supermarket işçiləri nahar fasiləsinə çıxdılar, belə varlandılar

7 Mart 2023 15:12

2 supermarket işçisi adəti üzrə nahar fasiləsinə çıxıb, lakin bu dəfə cek-potda bəxtlərini sınamağa qərar veriblər.

Publika.az xəbər verir ki, hadisə ABŞ-ın Kentukki ştatında yaşanıb.

Supermarket işçiləri Tişa Trays və Dyian Mişel nahar fasiləsi zamanı anidən 2 lotereya bileti almağa qərar veriblər daha sonra gözlərinə inana bilməyiblər. Təsadüfən aldıqları biletdən 50 min dollar (85.000 azn) udublar.

"Biz sadəcə fasilə verdik və oynamaq qərarına gəldik",- Trays deyib.

Onlar öncəliklə ilk bileti pozub, nəticədə 30 dollara aldıqları biletdən 100 dollar uduş əldə ediblər. Daha sonra şanslarını ikinci dəfə yoxlamaq istəyiblər. Və bu zaman məlum olub ki, uduş 50 min dollardır: " Mən düşündüm ki, huşumu itirirəm",- Trays bildirib.

Ertəsi gün Mişelin ad günündə onlar mükafatı götürüblər.

Ayşən