ABŞ

Xəstələr üçün risk var - Bu dərmanlar...

23 Mart 2023 11:15

Birləşmiş Ştatlarda ciddi şəkildə milli təhlükəsizliyə təhlükə yaradan uşaq dərmanları və antibiotik çatışmazlığı qeydə alınıb.

Publika.az xəbər verir ki, bunu Senatın Milli Təhlükəsizlik və Hökumət Məsələləri Komitəsi bildirib.

Komitənin demokratik əksəriyyətinin hazırladığı hesabata əsasən, 2021-ci ildən 2022-ci ilə qədər dərman çatışmazlığı demək olar ki, 30% artıb.

Qeyd olunur ki, əczaçılıq sənayesindəki böhran iqtisadi amillər, xarici mənbələrdən asılılıq və tədarük zəncirlərinin “zəif görünməməsi” ilə bağlıdır.

Sənəddə deyilir ki, federal hökumət başlanğıc materialdan hazır dərmanlara qədər bütün tədarük zəncirini izləmək imkanına malik deyil.

Hesabatın müəllifləri belə qənaətə gəlirlər ki, ABŞ-ın bu dərmanların xarici mənbələrinə həddən artıq etibar etməsi milli təhlükəsizlik riski yaradır və böhran vəziyyətində xəstəxanalar, tibb işçiləri və xəstələr üçün dağıdıcı ola bilər.

Ayşən