ABŞ

Bayden ABŞ-da bayraqların yarıya endirilməsini ƏMR ETDİ - SƏBƏB

7 May 2023 20:24

ABŞ prezidenti Co Bayden Texasdakı qətliamla əlaqədar Ağ Ev, bütün hökumət binaları və meydanlar üzərində ABŞ bayrağının yarıya endirilməsi ilə bağlı əmr verib.

Bu barədə Publika.az xarici KİV-ə istinadla xəbər verir.

Bildirilib ki, mayın 11-də gün batana qədər dünyanın hər yerində dəniz bazalarında, bütün ABŞ hərbi gəmilərində, bütün səfirliklərdə və digər hökumət binalarında bayraqlar yarıya qədər endiriləcək.

Xatırladaq ki, şənbə günü Texas ştatının Allen şəhərində kütləvi atışma olub. "AR-15" tüfəngi ilə silahlanmış cinayətkar ticarət mərkəzində atəş açıb. Hücum nəticəsində 8 nəfər ölüb, bir neçə nəfər ağır vəziyyətdə xəstəxanaya yerləşdirilib.

Hüseyn İbadlı