ABŞ

Tramp təsdiqlədi: Nə məvacib, nə də pensiya - Bir sent də götürməyəcək

11 Dekabr 2024 10:49

Donald Tramp bildirib ki, ikinci prezidentlik müddətində dövlət başçısına görə bütün maddi nemətlərdən imtina etmək niyyətindədir.

Publika.az xəbər verir ki, Tramp NBC telekanalına verdiyi müsahibədə prezidentlik maaşını - ildə 400 min dolları almayacağını və ömürlük pensiyasından da imtina edəcəyini bildirib.

“Bir sent də qəbul etməyəcəyəm. Bu, mənim dövlət xərclərinin azaldılmasına töhfəmdir”, - deyə Tramp vurğulayıb.

Tramp deyib ki, o, işinə görə maaş almayan ilk ABŞ prezidenti ola bilər, bəlkə də Corc Vaşinqtondan sonra.

İlk səlahiyyət müddətində də Tramp prezident maaşından imtina edərək, vəsaitləri xeyriyyəçilik və müxtəlif proqramlara, o cümlədən milli parkların qorunmasına yönəldirdi.

Tramp ABŞ-ın ən zəngin adamlarından biridir. “Forbes”in məlumatına görə, onun sərvəti 2,3 milyard dollar qiymətləndirilir.

Tural