Bayden vida nitqində bu ölkəni xatırladı: görün nə ilə öyündü

ABŞ-ın hazırkı prezidenti Co Bayden səlahiyyət müddətinin başa çatması ərəfəsində qısa vida nitqində Ukraynanı xarici siyasət nailiyyətləri və “NATO-nu gücləndirmək” səyləri kontekstində xatırladıb.

Publika.az CNN-ə istinadla xəbər verir ki, Bayden gələn həftə prezidentlik müddətini başa vurmağa hazırlaşarkən Ağ Evin Oval kabinetində vida nitqi söyləyib. ABŞ prezidenti qeyd edib ki, o, öz irsini və administrasiyanın nailiyyətlərini uzun illər qoruyub saxlamağa ümid edir.

"Birgə gördüyümüz işlərin tam təsirini hiss etmək üçün vaxt lazımdır. Lakin toxumlar əkilib və onlar onilliklər ərzində böyüyüb çiçək açacaqlar", - Bayden deyib.

O, həmçinin yaşlılar üçün dərman qiymətlərinin aşağı salınması, silah təhlükəsizliyi qanunlarının qəbulu və veteranların sağlamlıqlarına köməklik göstərilməsi də daxil olmaqla, prezidentliyi müddətində əldə olunan nailiyyətləri sadalayıb. Uğurları arasında o, "NATO-nu gücləndirdiyi" ilə öyünüb.

"Ukrayna azad olaraq qalır və biz Çinlə rəqabətimizi və daha çoxunu qabaqlayırıq", - Bayden vurğulayıb.

Akqabay