Tramp HƏMAS-ı HƏDƏLƏDİ - “Gecikməyə dözməyəcəyəm”

ABŞ Prezidenti Donald Tramp Fələstinin radikal HƏMAS hərəkatının girovların azad edilməsində heç bir gecikməsinə dözməyəcək.

Publika.az xəbər verir ki, bu barədə ABŞ lideri özünün "Truth Social" sosial şəbəkəsindəki səhifəsində yazıb.

O, “sülh sazişi”nə yol açan bombardmanları dayandırdığına görə İsrailə təşəkkür edib. O, HƏMAS-ı tez hərəkət etməyə çağırıb, əks halda bütün təkliflər etibarsız olacaq.

“Mən çoxlarının inandığı gecikməyə və ya Qəzzanın yenidən təhlükəyə çevriləcəyi hər hansı bir nəticəyə dözməyəcəyəm”, - dövlət başçısı bildirib.

Bir gün əvvəl HƏMAS Trampın planına uyğun olaraq bütün girovları azad etməyə hazır olduğunu bildirib. Hərəkat həmçinin Qəzza zolağının idarəçiliyini fələstinli texnokratlardan ibarət müstəqil hakimiyyətə təhvil verməyə razılaşıb. ABŞ Prezidentinin Qəzza zolağının gələcəyi və Fələstin xalqının qanuni hüquqları ilə bağlı təklifində qeyd olunan digər məsələlər vahid milli mövqe, beynəlxalq qanunlar və qətnamələrə aiddir. Onlar “hərtərəfli Fələstin milli strukturu çərçivəsində həll olunacaq”.

Hüseyn İbadlı