Avropa

Merkel Ukraynadakı münaqişə ilə bağlı ÇAĞIRIŞ ETDİ

4 Oktyabr 2025 23:48

Almaniyanın keçmiş kansleri Angela Merkel Ukraynadakı münaqişənin həllinə diplomatik yanaşmaya çağırıb.

Publika.az xəbər verir ki, o, bu barədə “Partizan”a müsahibəsində danışıb.

“Rusiya-Ukrayna münaqişəsi məsələsində, bir tərəfdən, biz hərbi baxımdan güclənməliyik və Avropa bunu edir. Amma mən həm də düşünürəm ki, Soyuq Müharibə dövründə olduğu kimi, diplomatiya həmişə vacibdir,” - deyə Angela Merkel bildirib.

Sabiq kanslerin sözlərinə görə, Avropa liderləri diplomatik addımların hadisələrin gedişatına necə təsir göstərə biləcəyini əvvəlcədən və birlikdə düşünməlidirlər.

Merkel vurğulayıb ki, nə Almaniya Federativ Respublikasının, nə də özünün heç vaxt həddindən artıq gücə sahib olduğunu hiss etməyib. O əlavə edib ki, beynəlxalq səviyyədə birgə hərəkət etmək vacibdir, çünki ölkələr ortaq qərar qəbul edə bilməsələr, heç bir təşəbbüs reallaşa bilməz.

Hüseyn İbadlı