Aya nüvə arsenalı yerləşdirilir: Ekspert təhlükələr barədə xəbərdarlıq etdi

Rusiya Prezidenti yanında Xalq Təsərrüfatı və Dövlət İdarəçilik Akademiyasının (RANEPA) Hüquq və Milli Təhlükəsizlik İnstitutunun hərbi eksperti Aleksandr Stepanov diqqət çəkən açıqlamalar verib.

Publika.az TASS-a istinadən xəbər verir ki, o, ABŞ Milli Aeronavtika və Kosmik Tədqiqatlar İdarəsinin (NASA) Ayda nüvə arsenalı yerləşdirə biləcəyini bəyan edib.

Onun sözlərinə görə, amerikalılar "Artemida" proqramı çərçivəsində Yerin peykində silah yerləşdirə bilərlər. Ekspert əmindir ki, ABŞ gələcəkdə astronavtlar üçün Şeklton kraterində qurulacaq bazadan kosmosun militarizasiyası üçün istifadə edəcəklər.

"Bazanın enerji təminatı üçün nüvə enerjisi istifadə olunacaq. Bu aspekt bəlkə də ən əhəmiyyətli məsələdir. Bu, nüvə texnologiyalarının təkcə orbitdə deyil, həm də Yerə yaxın kosmosda yerləşdirilməsi istiqamətində atılacaq bir addımdır. Bu, tərəqqi adı altında Yerə yaxın və Ayda nüvə silahlarının yerləşdirilməsi ehtimalını yüklədəcək",- mütəxəssis bildirib.

O, gələcək proseslərin reallaşa biləcəyinə nümunə olaraq altıya qədər nüvə başlığı daşıya bilən Amerikanın Boeing X-37 kosmik gəmisini də yada salıb.

Tural