ABŞ

ABŞ bir sahədə Rusiyadan GERİ QALIR - Trampdan ETİRAF

28 Noyabr 2025 08:00

"ABŞ-ın buzqıran gəmilərinin sayı Rusiyaya nisbətən xeyli azdır".

Publika.az xəbər verir ki, bunu ABŞ prezidenti Donald Tramp deyib.

O qeyd edib ki, əvvəllər ABŞ-ın heç bir buzqıranı olmayıb, hazırda isə yalnız bir ədəd buzqıran mövcuddur. O əlavə edib ki, eyni zamanda Rusiyanın 48 buzqıranı var.

Oktyabr ayında yayılan məlumatlara görə, ABŞ Prezidenti ölkəsinin Rusiya qədər buzqırana sahib olmasını istəyir və bu məqsədlə Finlandiya və bir sıra digər ölkələrdən gəmilər almağa çalışır.

Oktyabrın 9-da Tramp Finlandiya Prezidenti Aleksandr Stubb ilə görüşdə Vaşinqtonun Helsinkidən buzqıranlar alacağını bəyan edib.

"Reuters" və "Yle"nin Ağ Evdəki mənbələrinin məlumatına görə, bu buzqıranlar ABŞ Sahil Mühafizəsi tərəfindən istifadə olunacaq. Ümumi müqavilənin dəyəri təxminən 6,1 milyard dollar təşkil edir. Ümumilikdə 11 buzqıran gəmini əhatə edən bu layihə çərçivəsində onların dördü Finlandiya gəmiqayırma zavodlarında inşa olunacaq.

Hüseyn İbadlı