Ağ Evin yaxınlığında əsgərləri güllələyən şəxs ABŞ kəşfiyyatı ilə əməkdaşlıq edirmiş

Vaşinqtonda Milli Qvardiyanın əsgərlərinə atəş açmaqda şübhəli bilinən şəxs Əfqanıstanda Mərkəzi Kəşfiyyat İdarəsi ilə əməkdaşlıq edib.

Publika.az xəbər verir ki, bu barədə BBC məlumat yayıb.

Şübhəli, 29 yaşlı əfqan Rəhmanullah Laqanval, ABŞ-a köçməzdən əvvəl "Əfqanıstandakı tərəfdaş qüvvələrlə” əməkdaşlıq edib.

CIA direktoru Con Ratkliff daha sonra CBS telekanalına deyib ki, atəş açdığı iddia edilən şəxs “ABŞ hökuməti ilə əvvəlki işinə görə” ABŞ-a buraxılıb.

"Baydenin Əfqanıstandan fəlakətli şəkildə geri çəkilməsindən sonra, 2021-ci ilin sentyabrında Rəhmanullahın ABŞ-a daxil olması onun xaotik evakuasiyadan qısa müddət sonra Qəndəhardakı tərəfdaş qüvvələrin bir hissəsi kimi ABŞ hökuməti, o cümlədən MKİ ilə əvvəlki işi sayəsində mümkün olub", - Ratkliff deyib.

FTB direktoru bildirib ki, hücumun motivi barədə spekulyasiya etmək hələ tezdir, lakin "hazırda terrorla bağlı araşdırma aparılır".

Vaşinqtonda baş verən atışmada 20 yaşlı Sara Bekstrom həlak olub, 24 yaşlı Endryu Vulf isə yaralanıb.

Tural