ABŞ

Trampın iqamətgahının yaxınlığında uçuşlar məhdudlaşdırıldı

30 Dekabr 2025 10:48

ABŞ prezidenti Donald Trampın İsrailin Baş naziri Benyamin Netanyahu ilə görüşü səbəbilə Florida ştatındakı Mar-a-Laqo iqamətgahı yaxınlığında uçuşlara müvəqqəti məhdudiyyət tətbiq edilib. Təxminən on reys təxirə salınıb.

Publika.az xəbər verir ki, bu barədə TASS mənbələrinə istinadən məlumat yayıb.

“Uçuşlara yenidən məhdudiyyət qoyulub. Bu, həm kommersiya aviaşirkətlərinə, həm də Vest Palm Biç Beynəlxalq Hava Limanından həyata keçirilən reyslərə aiddir”, - deyə mənbə bildirib.

Qeyd olunur ki, oxşar təhlükəsizlik tədbirləri daha əvvəl Ukrayna prezidenti Vladimir Zelenskinin danışıqlar üçün Trampın iqamətgahına səfəri zamanı da görülmüşdü. Həmin vaxt Baham adaları və Atlantik okeanı istiqamətində uçuşların istifadə etdiyi hava dəhlizlərindən biri bağlanmışdı. Bu məhdudiyyət əvvəlcədən “son anda dəyişdirilə biləcək” tədbir kimi elan edilmişdi.

Adəm