Bu şərtə razı olsalar, hər biri 1 milyon dollar alacaq

Tramp administrasiyası qrenlandiyalılara qeyri-adi maliyyə təklifi etməyi düşünür.

Publika.az "Daily Mail" qəzetinə istinadən xəbər verir ki, təklif hər bir qrenlandiyalıya bir milyon dollarlıq ödənişi nəzərdə tutur.

Ödənişi almaq üçün əhali ABŞ-a qoşulmağa razı olmalıdır. Qeyd olunur ki, bu ideya hazırda Ağ Evdə fəal şəkildə müzakirə olunur.

Qeyd edək ki, təxminən 57 000 əhalisi olan Qrenlandiya Danimarka krallığı daxilində muxtar ərazidir. Bu plan həyata keçirilərsə, təklifin ümumi dəyəri 57 milyard dolları keçə bilər.

Həm Danimarka, həm də Qrenlandiya hökumətləri dəfələrlə bu cür təşəbbüslərin qəbuledilməz olduğunu bildiriblər. Həmçinin Vaşinqtondan onların suverenliyinə və ərazi bütövlüyünə hörmət etməyi gözlədiklərini vurğulayıblar.

Xatırladaq ki, Donald Tramp prezidentliyinin ilk dövründə adanı almaqda maraqlı olduğunu açıq şəkildə bildirmişdi. Bu yeni təşəbbüs, rəsmi olaraq elan edilərsə, ABŞ və Danimarka arasında ciddi diplomatik gərginliyə səbəb ola bilər.

Adəm