ABŞ-da ailə borcları rekord həddə çatdı

2025-ci ilin yekunlarına görə, Amerika ailələrinin borcları rekord həddə — 18,8 trilyon dollara çatıb.

Publika.az Nyu-York Federal Ehtiyat Bankının hesabatına istinadla xəbər verir ki, ilin sonuna olan məlumatlar ABŞ-da borc yükünün ciddi şəkildə artdığını göstərir.

İlin son rübündə amerikalıların ümumi borcları, o cümlədən kreditlər üzrə öhdəlikləri 191 milyard dollar artıb. Borc strukturundakı əsas göstəricilər aşağıdakı kimidir:

ABŞ-da ev təsərrüfatlarının borc strukturu (2025-ci ilin sonu)

Maliyyə hesabatında qeyd olunur ki, yaşayış sahələrinin girovu hesabına açılan kredit xətləri (HELOC) də artaraq 434 milyard dollara çatıb.

50 illik ipoteka təklifi

Artan borc yükü fonunda ABŞ Prezidenti Donald Tramp ölkədə ipoteka kreditlərinin müddətinin 50 ilə qədər uzadılması ideyasını dəstəkləyib. Federal Mənzil Maliyyələşdirmə Agentliyinin direktoru Bill Pult qurumun həqiqətən də 50 illik ipoteka proqramları üzərində işlədiyini təsdiqləyib və bunu "oyun qaydalarının tamamilə dəyişməsi" adlandırıb.

Bu dəyişiklik standart 30 illik kreditlərlə müqayisədə aylıq ödənişlərin daha az olmasını təmin etsə də, mütəxəssislər müəyyən risklər barədə xəbərdarlıq edirlər:

• Ümumi faiz ödənişləri əhəmiyyətli dərəcədə yüksək olacaq.
• Daşınmaz əmlak üzrə xalis kapitalın toplanması (borcun əsas hissəsinin ödənilməsi) daha yavaş sürətlə baş verəcək.

Hüseyn İbadlı