İranın ABŞ-la razılaşmaması axmaqlıq olardı - Trampdan növbəti xəbərdarlıq

İranın ABŞ ilə razılaşmaması axmaqlıq olardı.

Publika.az xəbər verir ki, bunu ABŞ prezidenti Donald Tramp "Fox Business Network"ə verdiyi müsahibədə bildirib.

ABŞ prezidenti vurğulayıb ki, razılaşmalara "heç bir nüvə silahı, heç bir raket" daxil edilməməlidir.

"Düşünürəm ki, onlar razılaşmaq istəyirlər. Bunu etməsələr, axmaqlıq olardı. Keçən dəfə onların nüvə enerjisini ləğv etdik və bu dəfə daha çoxunu ləğv edib-etməyəcəyimizə baxmalıyıq", - deyə Tramp bildirib.

Tehran ötən həftə Omanda Vaşinqtonla danışıqları bərpa edib. Keçən ilin iyun ayında İsrailin İranla 12 günlük müharibəsi zamanı ABŞ-ın Tehranın nüvə obyektlərinə zərbələr endirməsinə göstəriş verən Tramp deyib ki, istənilən gələcək saziş “yaxşı” olmalıdır.

Hazırkı rejim dövründə Tehranla hər hansı bir razılaşmanın həqiqətən bağlanacağını düşünüb-düşünmədiyi soruşulduqda Tramp belə cavab verib:

"Bilirsiniz, bu yaxşı sualdır. Çox insan "yox" deyir. Və mən deyərdim ki, sərfəli bir sövdələşmə bağlamağa üstünlük verərdim. Nə nüvə silahı, nə raket, bunların heç biri, heç biri. İstədiyiniz hər şey. Amma bəzi insanlar bu illər ərzində bizə qarşı çox vicdansız olduqlarından narahatdırlar".

Adəm