Ən böyük aviadaşıyıcı yandı, donanma iflic oldu - ABŞ ordusunda nə baş verir?

ABŞ Hərbi Dəniz Qüvvələri (HDQ) gözlənilməz texniki nasazlıqlar və Yaxın Şərqdəki gərginlik fonunda aviadaşıyıcı parkının istismar proqramını təcili dəyişmək məcburiyyətində qalıb.

Publika.az xəbər verir ki, bu barədə "The War Zone" nəşri məlumat yayıb.

Bildirilir ki, bayraqdar gəmilərində baş verən yanğınlar və uzanan təmir müddəti donanmanın imkanlarını sıfıra endirib.

Məlumata görə, ABŞ-ın ən müasir aviadaşıyıcısı "USS Gerald R. Ford" göyərtəsində baş verən yanğından sonra sıradan çıxıb və təmir üçün Krit adasına göndərilib. Nəticədə strateji bölgədə cəmi bir gəmi ("USS Abraham Lincoln") qalıb ki, bu da Pentaqonun manevr imkanlarını məhdudlaşdırıb.

Yaranan böhranı aradan qaldırmaq üçün donanmanın ən yaşlı gəmisi olan "USS Nimitz"in istismar müddəti 2027-ci ilə qədər uzadılıb. Eyni zamanda, yeni "USS John F. Kennedy" gəmisinin istifadəyə verilməsi qeyri-müəyyən müddətə təxirə salınıb. Digər gəmilərin, o cümələdən "USS Dwight D. Eisenhower"in təmiri isə aylardır yekunlaşmır.

Adəm