Tramp bu ölkəni də “qara siyahı”sına saldı: Köməyə getməyəcəyik

ABŞ prezidenti Donald Tramp “TruthSocial” sosial şəbəkəsində bildirib ki, Vaşinqton lazım gələrsə, İtaliyaya kömək etməyəcək.

Publika.az xəbər verir ki, Ağ Ev rəhbəri yazıb ki, "İtaliya bizə kömək etməyib və biz də onların köməyinə getməyəcəyik".

O, "The Guardian" qəzetində Romanın Vaşinqtonun Siciliyadakı Siqonella İtaliya hərbi bazasına girişini rədd etdiyi iddia edilən bir məqaləyə belə şərh verib.

"Corriere della Sera" qəzetinin mənbəsinə görə, Amerika bombardmançı təyyarələri Yaxın Şərqə yola düşməzdən əvvəl bazaya eniş etmək istəyib. Onlara icazə verilməyib.

Mənbə əlavə edib ki, silah daşıyan təyyarələrin bazaya enməsi üçün İtaliya parlamentindən təsdiq almaq lazımdır. Amma bunun üçün vaxt kifayət etməyib.

ABŞ və İtaliya 1950-ci illərin sonlarında bazaların yalnız logistika və təlim məqsədləri üçün istifadə edilə biləcəyi, lakin fövqəladə hallar istisna olmaqla, hərbi münaqişələrdə istifadə olunan silahların daşınması üçün tranzit mərkəzləri kimi istifadə edilməyəcəyi ilə bağlı müqavilə bağlayıblar.

Müəllif: Tural