Art

Vidadi Babanlı: “Onun ölümü məni çox yandırdı”

1 İyun 2016 16:45

Tanınmış yazıçı Vidadi Babanlınını səhhətindəki problemlər hələ də aradan qalxmayıb. Yazıçı yeriyə bilmir.

Publika.az-a açıqlama verən V.Babanlı gözünün də görmədiyini deyib: “On aydır müalicə olunmağıma baxmayaraq, yeriyə bilmirəm. Sınan ayağım əyri bitişdiyi üçün yeriməyimdə problemlər var. Qolumdan tutub, evin içində gəzdirirlər. Gözüm də görmür. Yarımçıq romanıma baxa-baxa qalıram. Heç kimə də diktə eləmək olmur ki, sən deyəsən, o da yazsın. Çünki yazıçı elədir ki, qələm, kağız və bir də özü olmalıdır. O aləmin içinə daxil olub, qəhrəmanlarınla bərabər yaşayırsan. Səhhətim əl vermir ki, romanımı tamamlayım”.

Həkim nəzarəti altında olduğunu deyən yazıçı gec sağaldığı üçün darıxdığını deyib: “Çox darıxıram, evdən bayıra çıxa bilmirəm. Qələm dostlarımın hamısı çoxdan dünyasını dəyişib, tək qalmışam. Söhrab Tahirin də ölümü məni çox yandırdı”.

Cəvahir