Tahir Salahov bizim pasportumuzdur - Xalq rəssamı
Bizi izləyin

Art

Tahir Salahov bizim pasportumuzdur - Xalq rəssamı

"Tahir Salahovun əsərləri həmişə bütün dünyada bizim üzümüzü ağ edəcək. Tahir Salahov bizim pasportumuzdur".

Bunu Publika.az-a açıqlamasında Xalq rəssamı Sakit Məmmədov deyib.

Xalq rəssamı bildirib ki, o, Tahir Salahovla çox yaxın dost olub: "Mən onunla dost idim. Bakıda olanda günlərimiz bir yerdə keçib. O, bizim üçün böyük itkidir. O, Azərbaycan rəssamlığının kralıdır. Onun çox böyük rəngli dünyası və yaşamaq eşqi var idi. O, kənardan dünyanın ən xoşbəxti gorünürdü. Amma belə deyildi. İçində nisgil var idi. Buna baxmayaraq, o, bunu sənətə yansıtmırdı. Sonuncu dəfə onunla Almaniyada olanda danışmışdım. Demişdi ki, mütləq Bakıya qayıdacağam. Onun haqqında saatlarla danışmaq olar. Onun vəfatı bizim üçün çox böyük itkidir. Tahir müəllimin yeri hər zaman görünəcək. O, Azərbaycan insanının portretlərini rənglərə köçürüb. Fəhlələr, Abşeron qadınları ilə bağlı əsərləri dünyanın hər yerində məşhurdur".

Tural Turan

Oxumağa davam et
Reklam
Reklam

Gündəm