Avropa İttifaqı "Brexit"i təxirə salmağa razılaşdı
Bizi izləyin

Avropa

Avropa İttifaqı "Brexit"i təxirə salmağa razılaşdı

Avropa İttifaqı Şurası Böyük Britaniyanın Aİ-nin tərkibindən çıxma tarixini başqa vaxta keçirmək tələbini şərti olaraq təsdiqləyib.

Publika.az xəbər verir ki, Aİ liderlərinin zirvə görüşündə qəbul edilən qərara əsasən, əgər Britaniya parlamenti gələn həftə "Brexit" müqaviləsini təsdiqləsə, ölkə qurumu mayın 22-də tərk edəcək.

Müqavilə təsdiqlənmədiyi təqdirdə, "Brexit" aprelin 12-dək təxirə salınacaq.

"Avropa İttifaqı Şurası "Brexit"in o şərtlə 22 may 2019-cu ilə qədər uzadılmasına razıdır ki, çıxış haqqında razılaşma gələn həftə İcmalar Palatası tərəfindən bəyəniləcək", - Aİ-nin Brüssel sammitində qəbul olunan sənəddə deyilir.

Qeyd edək ki, Britaniya hökuməti Aİ-ni tərk etmə tarixinin iyunun 30-dək uzadılmasını istəmişdi, lakin mayın 23-də Avropa Parlamentinə seçkilər keçirilməsi səbəbindən bu tarix mayın 22-nə təyin olunub.

Oxumağa davam et
Reklam
Reklam

Gündəm