Avropa

Amsterdamdan ÇAĞIRIŞ: Alkoqol və seks üçün bu şəhərə GƏLMƏYİN

28 İyun 2021 16:58

Amsterdam Şəhər Şurası buraya gəlmək istəyən turistlər və ziyarətçilər üçün maraqlı çağırış edib.

Publika.az "Sözcü"yə istinadla xəbər verir ki, Şəhər Şurasının çağırışında "alkoqol və seks üçün Amsterdama gəlməyin" ismarıcı yer alıb.

Məlum çağırışın pandemiyadan sonra yaranmış vəziyyətlə əlaqələr olduğu vurğulanır: "Şəhər turizmi çöksə də indi rahatıq. Amsterdam amsterdamlılara qaldı. İndi daha sakit bir həyatımız var. Bundan məmnunuq. Biz akoqol və psixotrop maddələr qəbul etmək istəyən, Qırmızı İşıq prospektinə seks üçün gələn turistləri burada görmək istəmirik və onları xoş qarşılamayacağıq. Amsterdamın tursitlərə ehtiyacı var. Onlar olmasa, muzeylər, tarixi binalar ayaqda dura bilməz. Amma biz normal turistlər istəyirik".

Yayılan məlumatlara görə, Şəhər Şurası bu məqsədlə 100 milyon avroluq reklam kampaniyasına başlayıb. Reklamda Amsterdama və buranın yerli sakinlərinə sayğı duyanlara şəhərin qapılarının açıq olduğu bildirilir.

Tural Turan