Avropa

Avrozonada inflyasiya iqtisadi artımı üstələdi

30 Oktyabr 2021 02:59

Cari ilin üçüncü rübündə Avrozona iqtisadiyyatı əvvəlki ilin eyni dövrü ilə müqayisədə 3,7 faiz artıb.

Publika.az xəbər verir ki, rüblük əsasda iqtisadi artım 2,2 faiz təşkil edib.

Avrozonada inflyasiyanın yüksəlməsi isə iqtisadi artıma kölgə salıb. Belə ki, inflyasiyanın artım tempi oktyabr ayında da davam edib. Avrozonada istehlak qiymətləri oktyabrda ötən ilin müvafiq ayına nisbətən 4,1 faiz artıb. Aylıq əsasda isə qiymətlərdə 0,8 faiz artım müşahidə olunub. Bununla da, Avrozonada inflyasiya son 13 ilin ən yüksək həddində davam edib.

Enerji qiymətlərindəki artım inflyasiyaya öz təsirini göstərib. Belə ki, Avrozonada enerji qiymətləri ötən illə müqayisədə 25 faizədək artıb.