Avropa

Bolqarıstanda prezident və parlament seçkiləri keçirilir

14 Noyabr 2021 10:32

Prezident və parlament seçkilərinin eyni vaxtda keçirildiyi Bolqarıstanda seçki məntəqələri açılıb.

Publika.az xəbər verir ki, ölkə 31 seçki dairəsinə bölünüb. Seçki dairələrində ümumilikdə 11 874 seçki məntəqəsi açılıb. Ölkənin Mərkəzi Seçki Komissiyası tərəfindən qeydə alınmış seçicilərin ümumi sayı isə 6,6 milyon nəfərdir.

Bu il üçüncü dəfə keçirilən parlament seçkilərində 27 partiya iştirak edir.

Bolqarıstanda parlament seçkiləri ilə paralel şəkildə prezident seçkiləri də keçirilir. Vətəndaşlar 23 namizəd arasından seçim etməlidirlər. Ölkədə aparılan sorğular zamanı vətəndaşlar hazırkı prezident Rumen Radevə üstünlük verib, lakin onun ilk turda qalib gəlmə ehtimalının az olduğu qeyd edilir.