• USD 1,7000 0,00% EUR 1,9204 +0,17%
    • GBP 2,2642 -0,12% RUB 0,0229 +0,87%

İki ölkə arasında "yol xəritəsi" imzalandı

İki ölkə arasında "yol xəritəsi" imzalandı

Moldova və Rumıniya əməkdaşlığın prioritet sahələri üzrə “yol xəritəsi” imzalayıblar.

Publika.az yerli mətbuata istinadla xəbər verir ki, sənədin imzalanması Moldova Prezidenti Maya Sandunun Rumıniyaya rəsmi səfəri çərçivəsində baş tutub.

Səfər zamanı diplomlarının qarşılıqlı tanınması haqqında saziş də imzalanıb.

Prezident Maya Sandu qeyd edib ki, iki ölkə arasında imzalanan sənədlər olduqca əhəmiyyətlidir. Moldovada təhsil müəssisələrinin minlərlə məzunu diplomların tanınması haqqında sənədin imzalanmasını gözləyirdi.

"Keçən il, mən vəzifəyə başlayandan dərhal sonra Rumıniya Prezidenti ilə razılaşdıq ki, uzun müddət mövcud olan soyuq münasibətdən sonra Kişineu və Buxarest açıq və qardaş münasibətlərinə qayıdacaq. Bu səfər Moldova və Rumıniya arasında xüsusi əlaqənin əlavə təsdiqidir", - deyə Maya Sandu qeyd edib.

Rumıniya Prezidenti Klaus Yohannis sənədlərin imzalanmasından sonra bildirib ki, Moldovada yeni hakimiyyətdən sonra ölkələr arasında parlament və hökumət səviyyəsində əməkdaşlıq canlanıb və bu gün də intensiv templə davam edir.

Klaus Yohannis əlavə edib ki, Rumıniya və Moldovanın gələcək üçün zəngin gündəliyi var. “Biz layihələr vasitəsilə qarşılıqlı fəaliyyət göstərdiyimiz bütün sahələri müzakirə etdik, xüsusən də bu, enerji şəbəkələrinin qarşılıqlı əlaqəsi, enerji təhlükəsizliyinin konsolidasiyası, nəqliyyat infrastrukturunun inkişafı, gələcək təminat imkanlarına aiddir”, - deyə Klaus Yohannis vurğulayıb.

Halal Nemət

Xəbər lenti

DAHA ÇOX XƏBƏR