“Köhnə soyuducunuz Putinin dostudur” - “Bloomberg” - YENİLƏNDİ

Rusiya Prezidentinin mətbuat katibi Dmitri Peskov “Bloomberg”in Avropa İttifaqı ölkələrinin sakinlərə məişət texnikasını təkmilləşdirməyi təklif etdiyinə dair yazdıqlarını (çünki köhnə texnika çox enerji sərf edir və Putinin dostudur) şərh edib.

“Köhnə texnika Putinin dostu deyil, amerikalıların dostudur, çünki indi Amerikadan daha çox mayeləşdirilmiş qaz verilir, Amerikanın bahalı maye qazı. O, həm də etibarlı, ucuz və proqnozlaşdırıla bilən Rusiya boru kəməri qazını kəsmək qərarına gələn Avropa rəhbərliyinin dostudur”, – deyə Kremlin sözçüsü bildirib.

***

Avropa əhalisi Rusiya Prezidenti Vladimir Putinə görə köhnə məişət texnikasından imtina etməlidir.

Publika.az xəbər verir ki, bunu “Bloomberg”in icmalçısı Xavyer Blas bəyan edib.

“Sizin köhnə soyuducunuz Vladimir Putinin dostudur. Atın onu!” – jurnalist çağırış edib.

O, çağırışını bununla izah edib ki, elektrik enerjisinə qənaət təbii qaza qənaətlə bağlıdır. Avropada elektrik enerjisinin böyük hissəsi qazın yandırılması hesabına əldə edilir, mavi yanacağı isə qışda evləri qızdırmaq üçün saxlamaq lazımdır. Blas yazır ki, birbaşa evin məişət texnikası böyük miqdarda enerji yeyir.

Jurnalist xatırladır ki, Avropa ölkələrinə qaz Rusiyadan idxal olunur. “Demək, köhnə soyuducu, paltaryuyan maşın və digər avadanlıqlardan imtina Rusiyanın enerji resurslarından asılılığı azaltmağa kömək edəcək”, – məqalədə deyilir.

Səxavət