Norveç Ukraynaya 14 zirehli texnika verdi

Norveç Ukraynaya 14 ədəd "Iveco LAV III" zirehli maşını təhvil verib.

Publika.az xəbər verir ki, bu barədə Krallığın Müdafiə Nazirliyinin saytında bildirilir.

Ukraynaya təhvil verilən zirehli texnika yaxşı hərəkət qabiliyyətinə və mühafizəyə malikdir. Məhz bu texnika Norveç ordusu tərəfindən Əfqanıstanda istifadə edilib.

“Norveç ukraynalıların azadlıqları uğrunda mübarizəsinə töhfə verməkdə davam edir. Hökumət Norveçin Rusiyanın işğalına qarşı ölkənin müdafiəsində Ukraynaya əlavə dəstək verə biləcəyini daim qiymətləndirir”, - Norveçin müdafiə naziri Byorn Arild Qram zirehli texnikanın təhvil verilməsini şərh edib.

Ölkə hökuməti qeyd edib ki, zirehli texnikalar Norveçin əvvəllər Ukraynaya təhvil verdiyi artilleriya, insan daşınan hava hücumundan müdafiə sistemləri (MANPADS) və zirehli personal daşıyıcıları kimi digər hərbi texnikaya əlavə olaraq çatdırılır.

"Iveco LAV III" ordunun çoxməqsədli zirehli maşını olan "Iveco LMV"nin variantıdır. Əsas konfiqurasiyada maşının çəkisi 7 ton, maksimal sürəti 130 km/saat, hərəkət məsafəsi 600 km-dir. 2016-cı ildən qədər Norveç Silahlı Qüvvələrində müxtəlif variantlarda 170 "IVECO" LAV var.

Hüseyn İbadlı