Ərdoğan: “Avropa əkdiyini biçir”

Qarşıdan gələn qışda Rusiyadan qaz nəqlinin azalması nəticəsində onları təhdid edən problemlərə görə Avropa ölkələri özləri günahkardır.

Publika.az xəbər verir ki, bunu Türkiyə Prezidenti Rəcəb Tayyib Ərdoğan bildirib.

Onun sözlərinə görə, Avropa əkdiyini biçir. O qeyd edib ki, Türkiyənin qaz nəqli ilə bağlı heç bir problemi yoxdur.

“Avropanın cənab Putinə münasibəti və onların sanksiyaları (Rusiyaya qarşı. – Publika.az) istər-istəməz cənab Putini bu vəziyyətə gətirib çıxardı. Düşünürəm ki, Avropa bu qışı ciddi problemlərlə keçirəcək”, – deyə cənab Ərdoğan Ankarada keçirdiyi mətbuat konfransında bildirib.

“Qazprom” sentyabrın 2-dən etibarən sonuncu işləyən turbinin nasazlığını əsas gətirərək “Şimal axını” ilə nəqli tamamilə dayandırıb. Avropa Komissiyasının (AK) rəhbəri Ursula fon der Lyayen bu həftə Rusiyadan qazın qiymətinə tavan tətbiq etmək niyyətini açıqlayıb. Financial Times-ın məlumatına görə, AK Avropa üçün qiymət həddi ilə bağlı iki variant hazırlayıb: birincisi, tavanın tətbiqi və ya vahid alıcının yaradılmasını nəzərdə tutur, ikincisi, ölkələrin qırmızı və yaşıl zonalara bölünməsidir.

Səxavət